EU ကော်မရှင် နာမင်းကြီး ဒေါ်အောင်ဆန်း စုကြည်နှင့် တွေ့ဆုံ

User Rating: / 2
PoorBest 

သတင်း - ပြည်တွင်း

EU ကော်မရှင်မင်းကြီး Andris Piebalgs သည် ၄င်း၏ ၃ရက်ကြာ ခရီးစဉ်ပြီးနောက် သတင်းစာ ရှင်းလင်းပွဲတွင် ပြောကြားရာ၌ သမ္မတ ဦးဆောင်သော အစိုးရအဖွဲ့၏ သိသာ ထင်ရှားသည့်ပြောင်းလဲမှုများအပေါ် အံ့အားသင့်ကျေနပ်မိကြောင်း ယမာန်နေ့ညနေ ငါးနာရီက Chatrium Hotel ၌ ပြုလုပ်သော သတင်းစာ ရှင်းလင်းပွဲတွင် EC ကော်မရှင် နာမင်းကြီး Andris Piebalgs ကပြောကြားခဲ့ပါသည်။

ထို့အပြင် Andris Piebalgs က အဆိုပါပြောင်းလဲမှုများ၏ အရင်းခံ အချက်များသည် EU မှမြန်မာနိုင်ငံအပေါ် ပိတ်ဆို့အရေး ယူထားမှုများကို ဖယ်ရှားနိုင်ရန် ဦးတည်သည့် အခြေအနေသို့ ရောက်ရှိနေပြီး ယင်းပြောင်းလဲလာသော ကိစ္စရပ်များ ကိုလာ မည့် ဧပြီလကြားဖြတ်ရွေးကောက်ပွဲအပြီးတွင် ခြုံငုံသုံးသပ်သွားမည်ဖြစ်သည်ဟု၎င်းကဆိုသည်။

" UN နဲ့ NGO တွေကနေတဆင့် သွားမယ့် ဒီရန်ပုံငွေက ကျန်းမာရေး ၊ပညာရေးနဲ့ အသက်မွေးဝမ်း ကျောင်းကိစ္စရပ်တွေ အတွက်ဖြစ်ပါတယ် " ဟု Andris Piebalgs က ဆိုသည်။

မြန်မာနိုင်ငံအား လာမည့် နှစ်နှစ်အတွင်း EU ၏ ကူညီထောက်ပံ့ရေး အစီအစဉ်တွင် ယူရိုငွေ သန်း၁၅၀ ကူညီမည်ဖြစ်ပြီး ထိုပမာဏသည် ၁၉၉၆ ခုနှစ်ကတည်းက ပေးအပ်ခဲ့သော EU ကူညီထောက်ပံ့ရေး ငွေကြေး ပမာဏ ထက်နှစ်ဆများသည် ဟုသိရပါသည်။